OUVERTURESFEIER AM PARK UM KIERCHBIERG

OUVERTURESFEIER AM PARK UM KIERCHBIERG

D'Weltmeeschterschaft am Indiaca gëtt en Dënschdeg, 2. August, am fréihen Owend am Amphitheater vum Park um Kierchbierg ënnert dem Motto "Let's have a party" geféiert.
Ee vun den Héichpunkte wäert sécherlech den Amarsch vun de verschiddenen Delegatiounen am Amphitheater sinn. En anere Point fort zum Ofschloss vun der Zeremonie, déi ronn 1 Stonn dauert, ass déi symbolesch Ouverture vun der WM. Loosst Iech do iwwerraschen!
Encadréiert gëtt d'Evenement vu Künstler aus Lëtzebuerg, Däitschland a Frankräich.
Et sinn och eng ronn 150 Plaze fir Zuschauer ob de Gradins disponibel. Den Entrée ass selbstverständlech gratis.
Mir freeën eis schonn drop - an Dir?